ໜ້າຫຼັກ / ການເຄື່ອນໄຫວ / ຜູ້ປະກອບການທຸລະກິດບໍລິການທ່ອງທ່ຽວ ແລະ ພາກສ່ວນທີ່ກ່ຽວຂ້ອງ ຂອງເມືອງທ່າໂທມ ແຂວງໄຊສົມບູນ ໄດ້ຮັບການເຊື່ອມຊຶມ ຂໍ້ຕົກລົງ ຂອງທ່ານລັດຖະມົນຕີກະຊວງ ຖວທ

ຜູ້ປະກອບການທຸລະກິດບໍລິການທ່ອງທ່ຽວ ແລະ ພາກສ່ວນທີ່ກ່ຽວຂ້ອງ ຂອງເມືອງທ່າໂທມ ແຂວງໄຊສົມບູນ ໄດ້ຮັບການເຊື່ອມຊຶມ ຂໍ້ຕົກລົງ ຂອງທ່ານລັດຖະມົນຕີກະຊວງ ຖວທ

15 Dec 2023 | ທະວີ ວິໄລພອນ |

ໃນຕອນເຊົ້າຂອງວັນທີ 15 ທັນວາ 2023 ຜ່ານມາ ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງໄຊສົມບູນ ສົມທົບກັບຫ້ອງການ ຖວທ ເມືອງທ່າໂທມ ໄດ້ຈັດກອງປະຊຸມເຜີຍແຜ່ຂໍ້ຕົກລົງ ຂອງທ່ານລັດຖະມົນຕີກ່ຽວກັບວຽກງານທ່ອງທ່ຽວ ຢູ່ທີ່ຫ້ອງປະຊຸມຫ້ອງວ່າການເມືອງທ່າໂທມ ໂດຍການເປັນປະທານຂອງທ່ານ ທົງສະຫວັນ ໂພສະລາດ, ຫົວໜ້າພະແນກ ຖວທ ແຂວງ, ມີທ່ານ ບູນມີ ສີນວນທອງ, ຫົວໜ້າຫ້ອງການ ຖວທ ເມືອງທ່າໂທມ, ຕາງໜ້າຈາກຂະແໜງການທີ່ກ່ຽວຂ້ອງ ຕະຫຼອດຮອດຜູ້ປະກອບການຫົວໜ່ວຍທຸລະກິດບໍລິການ ການທ່ອງທ່ຽວ ພາຍໃນເມືອງທ່າໂທມເຂົ້າຮ່ວມ.

ກອງປະຊຸມໄດ້ຮັບຟັງການເຜີຍແຜ່, ເຊື່ອມຊຶມ ຂໍ້ຕົກລົງ ຂອງທ່ານລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ວ່າດ້ວຍສະຖານທີ່ພັກແຮມ ແລະ ຂໍ້ຕົກລົງ ວ່າດ້ວຍ ຮ້ານອາຫານ. ຊຶ່ງໄດ້ຍົກໃຫ້ເຫັນບາງເນື້ອໃນທີ່ສໍາຄັນ ເປັນຕົ້ນ ນະໂຍບາຍ, ມາດຕະຖານ ແລະ ການຈັດລະດັບ, ຂັ້ນຕອນ, ວິທີການ ແລະ ເງື່ອນໄຂ ໃນການອະນຸຍາດດໍາເນີນທຸລະກິດບໍລິການທ່ອງທ່ຽວ, ການໂຈະ, ການຍົກເລິກ ແລະ ສິ້ນສຸດການດໍາເນີນລຸລະກິດ ທັງນີ້ກໍເພື່ອເປັນການຊຸກຍູ້, ສົ່ງເສີມ ແລະ ຄຸ້ມຄອງບັນດາຫົວໜ່ວຍທຸລະກິດການທ່ອງທ່ຽວໃຫ້ມີຄວາມເປັນລະບຽບ ຮຽບຮ້ອຍ, ຖືກຕ້ອງຕາມລະບຽບຫຼັກການ, ຍົກສູງຄຸນນະພາບຂອງການບໍລິການໃຫ້ໄດ້ມາດຕະຖານ ແລະ ຫັນເປັນອຸດສາຫະກໍາເທື່ອລະກ້າວ ເພື່ອກຽມຄວາມພ້ອມໃຫ້ແກ່ການເປີດປີທ່ອງທ່ຽວລາວ 2024 ຢູ່ແຂວງໄຊສົມບູນ ແນໃສ່ດຶງດູດນັກທ່ອງທ່ຽວ, ນັກລົງທຶນ, ສ້າງລາຍຮັບ, ສ້າງວຽກເຮັດງານທໍາ ລາຍໄດ້ສູ່ສັງຄົມ ປະກອບສ່ວນ ເຂົ້າໃນການພັດທະນາປະເທດຊາດ ກໍຄືແຂວງໄຊສົມບູນ ໃຫ້ຂະຫາຍຕົວຕາມທິດສີຂຽວ ແລະ ຍືນຍົງ.

Share:

ຂ່າວຫຼ້າສຸດ

ການເມືອງ

ໂທລະພາບແຫ່ງຊາດລາວ ສະຫລອງ ວັນສ້າງຕັ້ງ ຄົບຮອບ 40 ປີ

  • 04 Dec 2023
  • ຂ່າວ: ວຽງສະຫວັນ

 ຂປລ. ພິທີສະເຫລີມສະຫລອງ...

ອ່ານເພີ່ມ